女奧足8強尾場，東道主法國女足出擊鬥巴西女足。法國今屆劍指金牌，射手卡杜杜腳風順到冇朋友，反觀巴西「球后」瑪達要坐波監，加上近年畀對手食住，此消彼長下，主勝屬不二之選。
（HOY聽TV聽76台周日凌晨3時直播）
卡杜杜5粒領先射手榜
法國女足喺A組錄得2勝1負，但因為加拿大女足用無人機偷拍敵方軍情被扣6分，就算3戰全勝亦只得3分排次席，令法國獲首名出線。「女高盧雞」射手卡杜杜以5球位居射手榜榜首，有力帶領球隊再進一步。
巴西女足近年青黃不接，今屆仲要倚賴38歲嘅瑪達，證明後繼無人。巴西上場吞西班牙女足雙蛋，僥倖成為其中一支最佳第3名出線，不過瑪達領紅牌被逐要坐波監，可謂雪上加霜。睇番雙方近5次交手，法國法定時間取得4勝1和，包括上年女子世盃分組賽贏2比1，今場主勝有計。