今晚西甲上演首都打吡，榜首皇家馬德里主場硬撼馬德里體育會。皇馬今場有悍將魯迪格同曹亞文尼傷停，防守受削，馬體會對親同市死敵特別醒神，近5次碰頭法定時間未輸過，受讓必捧讓球客勝。（Now 632周一凌晨4時直播）
皇馬戰績確係唔錯，唔單止喺聯賽位居榜首，早前仲贏埋西超盃，各項賽事近12場法定時間10勝2和，但實際表現唔算突出，其中5場只係險勝1粒，包括之前對弱旅艾美利亞同拉斯彭馬斯，都係鬥到末段先奠定勝局。
「銀河艦隊」２守將傷停
皇馬上周中補賽贏基達菲2比0，除咗中堅魯迪格因傷退下火線外，仲有曹亞文尼拎黃牌，累積黃牌夠數要坐波監，對防守影響唔細。
另邊廂，馬體會近況唔錯，各項賽事近7場法定時間保持不敗，雖然艾華路莫拉達有傷在身，仲有基沙文頂住，而且有迪比及時挺身而出，近3仗場場有波入，鹹魚翻生。何況「床單兵團」對親同市死敵特別落力，各項賽事近5次正面交鋒，馬體會法定時間取得1勝4和未輸過，包括上月中西盃加時淘汰「銀河艦隊」，非常熱血，仲有得受讓咁筍，讓球客勝咪錯過。